నా ఇన్స్ప్రెషన్ ఆ ఇద్దరు ప్లేయర్లు: టీమిండియా బ్యాటర్
దిశ, వెబ్‌డెస్క్: టీమిండియా స్టార్ ప్లేయర్ ఇషాన్ కిషన్ ఆసక్తికర వ్యాఖ్యలు చేశాడు. ఇటీవల బంగ్లాదేశ్‌‌తో జరిగిన వన్డేల్లో తన తొలి డబుల్ సెంచరీని నమోదు చేసి రికార్డులను బద్దలు కొట్టాడు. ప్రత్యర్ధి జట్టుపై తన బ్యాటింగ్ ప్రదర్శనతో అదరగొట్టగా.. సీనియర్ ఆటగాళ్లు, అభిమానులు నుంచి ప్రశంసలు అందుకుంటున్నాడు. ఈ క్రమంలోనే ఇంటర్వ్యూలో ఇషాన్ కిషన్ మాట్లాడుతూ.. ఎంఎస్ ధోనీ, గిల్‌క్రిస్ట్ తనకు ఇన్స్ప్రెషన్ అని పేర్కొన్నాడు. ఆస్ట్రేలియన్ మాజీ క్రికెటర్ గిల్‌క్రిస్ట్ బ్యాటింగ్ పట్ల తనకున్న ప్రేమను వెల్లడించాడు. గిల్‌క్రిస్ట్ కీలక బౌలర్లైన బ్రెట్ లీ, షోయబ్ అక్తర్ వంటి అతను చితక్కొట్టిన విధానం బాగా నచ్చేదని తెలిపాడు. అంతేకాక తన బ్యాటింగ్ విధానం తనకు చాలా ఇష్టమని తెలిపాడు. అందుకనే గిల్‌క్రిస్ట్ బ్యాటింగ్, ధోనీ వికెట్ కీపింగ్‌ను ఇష్టపడతానని అన్నాడు. ధోని ప్రతి మ్యాచ్‌లో ప్రశాంతతంగా ప్రతిదీ ఆలోచిస్తాడని, ప్రతి ఒక్కరినీ కలుసుకునే విధానం చాలా బాగుంటుందని కిషాన్ చెప్పుకొచ్చాడు.
